У сучасных умовах, калі хуткасць інфармацыйнай плыні рэзка ўзрастае, а веды абнаўляюцца, на думку спецыялістаў, у сярэднім кожныя тры гады, немагчыма пераацаніць ролю і значэнне дадатковай адукацыі дарослых і, у першую чаргу, перападрыхтоўкі. Гэты від адукацыйных паслуг, паводле прагнозаў вучоных, у бліжэйшыя гады стане найбольш запатрабаваным і эканамічна апраўданым. Перападрыхтоўка кіруючых работнікаў і спецыялістаў накіравана на прафесійнае ўдасканаленне, асваенне новых метадаў, тэхналогій і элементаў прафесійнай дзейнасці, а таксама прысваенне новай кваліфікацыі на ўзроўні вышэйшай адукацыі. Перападрыхтоўка дасць магчымасць павысіць вашу канкурэнтаздольнасць на рынку працы, адкрые новыя магчымасці для кар'ернага росту!
СПЕЦЫЯЛЬНАСЦІ ПЕРАПАДРЫХТОЎКІ
Прафесарска-выкладчыцкі склад інстытута, які задзейнічаны ў адукацыйным працэсе, налічвае больш за 100 чалавек, сярод іх каля 22% выкладчыкі, якія маюць вучоную ступень (вучонае званне). Таксама мы запрашаем спецыялістаў з ліку высокакваліфікаваных супрацоўнікаў іншых навучальных устаноў і практычных работнікаў.
ПАРАДАК ПРЫЁМУ НА СПЕЦЫЯЛЬНАСЦІ ПЕРАПАДРЫХТОЎКІ
Прыём асоб, за выключэннем непаўналетніх, для атрымання дадатковай адукацыі дарослых ажыццяўляецца ва ўстанове дадатковай адукацыі дарослых пры прад'яўленні імі дакумента, які сведчыць асобу, і прадастаўленні наступных дакументаў:
Для асоб, якія маюць вышэйшую адукацыю:·
- заява аб паступленні ўстаноўленай формы;
- копія дакумента аб адукацыі, які пацвярджае атрыманне вышэйшай адукацыі з прад'яўленнем арыгінала;
- копія пасведчання аб прызнанні дакумента аб адукацыі, выдадзенага ў замежнай дзяржаве, і ўстанаўленні яго эквівалентнасці (адпаведнасці) дакументу аб адукацыі Рэспублікі Беларусь з прад'яўленнем арыгінала (для асоб, якія атрымалі адукацыю ў арганізацыях замежных дзяржаў);
- 3 фатаграфіі памерам 3×4.
Для студэнтаў двух апошніх курсаў вочнай формы атрымання адукацыі:
- заява аб паступленні ўстаноўленай формы;
- 3 фатаграфіі памерам 3×4;·
- завераная пастаронкава па месцы вучобы копія заліковай кніжкі;
- пісьмовая згода (дазвол) рэктара вышэйшай навучальнай установы, у якім навучаецца студэнт, з указаннем курса навучання або ступені вышэйшай адукацыі навучальнай установы.
Іншагароднім слухачам прадастаўляецца інтэрнат
Заяўка на курсы
Прыём дакументаў ажыццяўляецца па адрасе:
вул. Войкава, 21, Навучальны корпус 2, каб. 35
з 9-00 да 17-00, перапынак з 13.00 да 14.00.
Тэл. для даведак: 8-0163-46-55-84