Інстытут павышэння кваліфікацыі і перападрыхтоўкі ўстановы адукацыі «Баранавіцкі дзяржаўны ўніверсітэт» створаны 1-га верасня 2009 года загадам рэктара ўніверсітэта № 361 ад 26.08.2009 на падставе рашэння Савета ўніверсітэта і ў адпаведнасці з пісьмом Міністэрства адукацыі Рэспублікі Беларусь ад 17.07.2009 №17-17/133 і рэалізуе адукацыйныя праграмы дадатковай адукацыі дарослых.

Мы ажыццяўляем сваю дзейнасць па запатрабаваных у рэгіёне напрамках павышэння кваліфікацыі і спецыяльнасцях перападрыхтоўкі, арыентуючыся на ўдасканаленне якасці навучання, прымяненне сучасных адукацыйных тэхналогій, павышэнне практычнай накіраванасці навучання.

Наладжана супрацоўніцтва з установамі і арганізацыямі г. Баранавічы, спецыялісты якіх аказваюць садзейнічанне ў арганізацыі адукацыйнага працэсу па розных адукацыйных праграмах, але і дзеляцца сваім практычным вопытам са слухачамі ў якасці выкладчыкаў.

Вядзецца плённае супрацоўніцтва з універсітэтамі-партнёрамі блізкага і далёкага замежжа па прадстаўленні адукацыйных паслуг у межах адукацыйных праграм павышэння кваліфікацыі кіруючых работнікаў і спецыялістаў, вучэбных курсаў.

Прафесарска-выкладчыцкі склад інстытута, які задзейнічаны ў адукацыйным працэсе, налічвае больш за 100 чалавек, сярод іх парадку 22% выкладчыкі, якія маюць вучоную ступень (вучонае званне).

У арганізацыі адукацыйнага працэсу выкарыстоўваюцца традыцыйныя і інавацыйныя метады, сродкі і формы навучання, у тым ліку, шырока прымяняюцца дыстанцыйныя тэхналогіі.

Іншагароднім слухачам забяспечваюцца камфортныя ўмовы пражывання.

У складзе БарДУ інстытут прайшоў сертыфікацыю на адпаведнасць патрабаванням сістэмы менеджменту якасці СТБ ISO 9001 – 2015.

Асноўнымі задачамі для нашага калектыву з’яўляюцца:

•  рэалізацыя адукацыйных праграм дадатковай адукацыі дарослых;
• аператыўнае задавальненне патрэб арганізацый, а таксама індывідуальных запытаў грамадзян у павышэнні сваёй прафесійнай падрыхтоўкі, атрыманні дадатковай кваліфікацыі;
• пастаяннае ўдасканаленне якасці навучання слухачоў, павышэнне яго практычнай накіраванасці на рашэнне канкрэтных прафесійных задач;
• стварэнне сучаснай вучэбна-матэрыяльнай базы, найбольш мэтазгоднае выкарыстанне ўсіх відаў чалавечых, матэрыяльных і фінансавых рэсурсаў пры рэалізацыі мэтаў у галіне якасці і дасягненні намечаных вынікаў;
• рэалізацыя Місіі, Бачання і Палітыкі ўніверсітэта ў галіне якасці, выкананне патрабаванняў стандартаў сістэмы менеджменту якасці ўніверсітэта;
• развіццё сацыяльнага партнёрства, стварэнне спрыяльнага асяроддзя для асобасна-прафесійнага развіцця слухачоў і супрацоўнікаў інстытута, заснаваных на высокіх этычных стандартах;
• наладжванне ўзаемавыгаднага супрацоўніцтва з айчыннымі і замежнымі партнёрамі, вывучэнне і ўкараненне ў практыку перадавога вопыту работы ўстаноў адукацыі Рэспублікі Беларусь, блізкага і далёкага замежжа ў галіне рэалізацыі адукацыйных праграм дадатковай адукацыі дарослых.

Інстытут рэалізуе наступныя адукацыйныя праграмы дадатковай адукацыі дарослых:

• адукацыйная праграма павышэння кваліфікацыі кіруючых работнікаў і спецыялістаў;
• адукацыйная праграма перападрыхтоўкі кіруючых работнікаў і спецыялістаў, якія маюць вышэйшую адукацыю;
• адукацыйная праграма навучальных курсаў (лекторыі, тэматычныя семінары, трэнінгі і іншыя віды навучальных курсаў);
• адукацыйная праграма стажыроўкі кіруючых работнікаў і спецыялістаў (па ўзгадненні з арганізацыяй, якая накіроўвае спецыяліста на стажыроўку);
• адукацыйная праграма падрыхтоўкі асоб да паступлення ва ўстановы адукацыі Рэспублікі Беларусь.

Мы даём магчымасць кожнаму кіраваць улвснай будучыняй і развіццём сваёй асобы, дапамагаем стаць больш канкурэнтаздольнымі на рынку працы